Сомонаи “Салом Амрико” барои шиносоии беҳтари ҳамватанони мо бо Амрико ва кору зиндагӣ дар ин кишвар, роҳнамоӣ ба онҳое, ки тоза ба ИМА кӯч мебанданд, муаррифии зиндагиномаи муваффақи тоҷикони Амрико ва дар ин замина муттаҳид намудани ҷамъияти тоҷикон таъсис дода шудааст. Мо тавассути таҳияи видеоочеркҳо, хабару гузоришҳо, инчунин таблиғи муваффақиятҳои ҳамватанонамон кӯшиш мекунем, ки барои зудтар мутобиқ шудани тоҷикон ба зиндагӣ дар ИМА, шиносоии бештар бо қонунҳои ин кишвар ва таъмини будубоши қонунии ҳамватанону рушди шахсиии онҳо ҳамаҷониба мусоидат намоем. Сомонаи “Салом Амрико” ҷамъиятӣ буда, аз ҷониби ягон ҳукумат ё созмону ташкилоте маблағгузорӣ намешавад. Мо дар ин роҳ ба кӯмаки ҳамдигарӣ умед мебандем.